Нэрт соён гэгээрүүлэгч Ноён Хутагт Д.Данзанравжаагийн 220 жилийн ойн арга хэмжээний хүрээнд зохион байгуулж буй "Говийн хүүхдүүд" урлагийн анхдугаар наадам Дундговь аймгийн Адаацаг сумын нутагт орших СҮМ ХӨХ БҮРД-д 2023 оны 9 дүгээр сарын 7-ний өдөр амжилттай зохион байгуулагдлаа. Тус Хүүхдийн урлагийн наадмын арга хэмжээг дэмжин ажиллах тухай тогтоолыг аймгийн ИТХ -ын ээлжит хуралдаанаар хэлэлцэн баталсан юм. Мөн аймгийн ИТХ -ын дарга С.Од-Эрдэний урлагийн надамд оролцож буй өв тээгч хүүхэд багачуудад амжилт хүссэн илгээмжийг танилцууллаа Тус наадамд Говийн бүсийн Дундговь, Дорноговь, Өмнөговь, Говьсүмбэр аймгуудын 80 гаруй хүүхэд, багш, зохион байгуулагч нарын нийт 150 гаруй төлөөлөгч оролцсон байна.